Lente
Lente is ’n jong meisie, son in haar hare
wat vroegoggend by die deur inwaai
met sonskynreuk van bloeiselblare
laggend deur my woonkamer draai
Strooi bloesemsneeu uit sagte hand
as sy saggies deur die bome swaai
en singend langs die bos se rand
nuwe lewe uit ou bome draai
Somer
Somer is die naam van my vrou
wat warm asem oor my arm streel
die melkweg in haar oë hou
terwyl silwer maanlig in haar hare speel
My hart hou sy in die holte van haar hand
songoud brand in haar stem se glans
Sy is die reuk van sout op ‘n warm strand
Sy is die golf in rooikopergras se middagdans
Stokstert 